აშშ-ის პრეზიდენტის ჯო ბაიდენის ვაჟის, ჰანტერ ბაიდენის ადვოკატები მის მიმართ წარდგენილ ბრალდებებს პოლიტიკურად მოტივირებულს უწოდებენ. ამის შესახებ NBC News-ი იტყობინება.
„ფაქტებისა და კანონების თანახმად, ჰანტერს რომ ნებისმიერი სხვა გვარი ჰქონოდა, დელავერში და კალიფორნიაში ამ ბრალდებებს არავინ წარადგენდა“, – აცხადებენ ჰანტერ ბაიდენის ადვოკატები.
მათი განცხადებით, სპეცპროკურორი დევიდ ვაისი „რესპუბლიკური პარტიის“ ზეწოლის ქვეშ იმყოფება და მან აღძრა „უპრეცედენტო და კონსტიტუციის საწინააღმდეგო“ საქმეები ჰანტერ ბაიდენის წინააღმდეგ.
8 დეკემბერს ცნობილი გახდა, რომ აშშ-ის ფედერალურმა პროკურატურამ ჰანტერ ბაიდენს ახალი ბრალდებები წაუყენა. როგორც საბრალდებო დასკვნაში წერია, ჰანტერ ბაიდენი „მონაწილეობდა 4-წლიან სქემაში, რომ არ გადაეხადა მინიმუმ 1,4 მილიონი დოლარის ფედერალური გადასახადები“. მანამდე ჯო ბაიდენის ვაჟს ბრალი იარაღის უკანონო შენახვის საქმეზე წარუდგინეს.