გაერო-ს რეზოლუციის დაბლოკვით, აშშ მარტო დარჩა ღაზის საკითხთან დაკავშირებით, – ამის შესახებ თურქეთის საგარეო საქმეთა მინისტრმა, ჰაქან ფიდანმა განაცხადა.
თურქეთის საგარეო უწყების ხელმძღვანელის თქმით, ამერიკის პოლიტიკური სისტემა ახლა უძლურია ისრაელთან დაკავშირებულ საკითხებში, ამიტომ ისრაელი უგუნურად მოქმედებს და აგრძელებს ჩაგვრას.
ფიდანის განცხადებით, გაერო-ს წევრებმა ხაზგასმით არაერთხელ აღნიშნეს, რომ ისრაელმა უნდა შეწყვიტოს უდანაშაულო ადამიანების მკვლელობა.
„ჩვენმა მეგობრებმა თქვეს, რომ ამერიკა ახლა მარტო იყო ამ საკითხში, რაც განსაკუთრებით კიდევ ერთხელ დავინახეთ გაერო-ში გამართულ კენჭისყრაზე. გაერთიანებულმა სამეფომ თავი შეიკავა, მაგრამ ამერიკამ დაადო ვეტო. რა თქმა უნდა, ეს არის ის, რასაც ჩვენ აქ ვხედავთ. ჩვენც აღვნიშნეთ ეს ჩვენს შეხვედრებზე“, – განაცხადა ჰაქან ფიდანმა.