უნგრეთის მუქარა, რომ დაბლოკავს მხარდაჭერას უკრაინის ევროკავშირში გაწევრიანების მოლაპარაკებებზე, ძირს უთხრის ევროკავშირის ერთიანობის პრინციპებს, – ამის შესახებ ლიეტუვის პრეზიდენტმა, გიტანას ნაუსედამ განაცხადა.
„უნგრეთი ვნებს ერთიანობის პრინციპს, რადგან თუ ჩვენ არ მივიღებთ დადებით პასუხს, დადებით რეკომენდაციას, კიდევ უფრო მეტი ხმა იქნება, რომელიც ემუქრება და უარყოფს ერთიანობის პრინციპს“, – თქვა ნაუსედამ.
ლიეტუვის პრეზიდენტმა განაცხადა, რომ ხელიდან არ გაუშვებს შესაძლებლობას, მიიწვიოს უკრაინა და მოლდოვა ევროკავშირში გაწევრიანებაზე მოლაპარაკებების დასაწყებად და საქართველო კანდიდატის სტატუსის მისანიჭებლად.
„ჩვენ გამოვიყენებთ ყველა საშუალებას, რომ დავარწმუნოთ უნგრეთი აზრის შეცვლაში“, – ამბობს ნაუსედა.
კომენტარები