ასეთი რწმენა გაუჩნდათ, რომ თუკი „ნაციონალური მოძრაობა“ იქნება მთავარი ოპონენტი, „ქართული ოცნება“ მათ ყოველთვის მოუგებს. იმას კი ვერ ხვდებიან რომ „ნაცმოძრაობის“ ზოგადი კლასტერი ჩვენთან ყოველთვის წაგებული იქნება, ვიდრე ისინი საერთო მესიჯბოქსით, საერთო დავალებებით და ინტერესით მოქმედებენ საქართველოს საწინააღმდეგოდ, – ამის შესახებ ფრაქცია „ქართული ოცნების“ თავმჯდომარემ და მმართველი პარტიის აღმასრულებელმა მდივანმა მამუკა მდინარაძემ ჟურნალისტებთან განაცხადა.
„როგორც არ უნდა გადანაწილდნენ და შუაშისტებად მოაჩვენონ საზოგადოებას თავი, საზოგადოება ყველას თავის სახელს არქმევს. მაგალითად, გახარია რომ გადადგა, ხომ ეგონათ რომ ყველაფერი ჩამოიშლებოდა. ჩამოიშალა? მაშინ ხომ გაუმჟღავნებელი იყო მისი საიდუმლო, ვერ ხვდებოდნენ ადამიანები რა ხდებოდა, მაგრამ, როცა ყველაფერი დაღვინდა და საკუთარ ადგილზე დადგა, ღალატიც გამოჩნდა და ისიც, ვის საქმეს ასრულდება. დღეს რომ გამოდის და ვითომ „ქართულ ოცნებას“ და „ნაცმოძრაობასაც“ ერთნაირად ებრძვის, შევიდა თუ არა მისი პარტია საკრებულოში, სადაც საშუალება ჰქონდა, ყველგან დაალაგა უმალვე კოალიცია „ნაცმოძრაობასთან“. ნაცები რომ რუსეთს აგინებენ და მთელი თავისი ცხოვრება რომ რუსულ საქმეს აკეთებს, ასეა ზუსტად გახარია – ნაცებს აგინებს და სულ მის საქმეს აკეთებს, განსაკუთრებით კი იმ დღიდან მოყოლებული, რაც გადადგა“, – განაცხადა მდინარაძემ.