ჩვენ მიერ შექმნილ კანონპროექტს დაარქვეს დემოკრატიის დაცვა. მე მოხარული ვარ, რომ ჩვენ მიერ შექმნილი კანონპროექტი ევროპარლამენტში დაიცავს დემოკრატიას, – ამის შესახებ „ხალხის ძალის“ ერთ-ერთმა ლიდერმა, გურამ მაჭარაშვილმა განაცხადა, რითაც უპასუხა კითხვას, რომელიც ევროკომისიის მიერ წარდგენილ „დემოკრატიის დაცვის პაკეტს“ ეხებოდა.
„ახლა ჩვენი კანონპროექტის ინიცირებით ევროპარლამენტში უწევთ იმის მტკიცება, რომ თურმე ისინი არ იღებენ რუსულ კანონს და ეს კანონი ემსახურება დემოკრატიის დაცვას. რაც შეეხება ოპოზიციას, ჩვენ კარგად ვიცით, რომ ისინი ყოველთვის გაურბიან სიმართლეს. მათ ძალიან კარგად იციან, რომ ეს კანონპროექტი არის ქართული. მე ახლა ველოდები, რომ ისინი ევროპაშიც შეეწინააღმდეგებიან ამ კანონს, იმიტომ რომ ეს არის კატასტროფა, თუ ევროპარლამენტი დაუშვებს და მიიღებს რადიკალების მიერ შერქმეულ „რუსულ კანონს“, – აღნიშნა მაჭარაშვილმა.