საქართველომ დაიწყო თავისი მოგზაურობა ევროკავშირისკენ, მადლობა, ევროკავშირო, – ამის შესახებ საქართველოს საგარეო საქმეთა მინისტრის მოადგილე ლაშა დარსალია სოციალურ ქსელში წერს.
„ერთხელ ჩემმა შვილებმა მკითხეს: მართალია, რომ ოდესღაც ინტერნეტი არ არსებობდა. როდესაც გაიგეს, რომ ეს სიმართლე იყო, ეჭვის თვალით შემომხედეს. ვიმედოვნებთ, ჩვენი შვილიშვილები ერთხელ იკითხავენ: მართალია, რომ ოდესღაც საქართველო არ იყო ევროპა. და ეჭვის თვალით შემოგვხედავენ, როდესაც „კი-ს“ გაიგებენ. საქართველომ დაიწყო მოგზაურობა ევროკავშირისკენ. მადლობა, ევროკავშირო“, – წერს ლაშა დარსალია.
ევროპულმა საბჭომ საქართველოს ევროკავშირის წევრობის კანდიდატი ქვეყნის სტატუსი გუშინ, 14 დეკემბერს მიანიჭა.
კომენტარები