ვაშაძეს კომპლექსი აქვს უკვე – სანამ „ნაცმოძრაობაში“ გადავიდოდა, „ნაცებს“ ჰქონდათ 16-17%, ვაშაძე შეუერთდა და დაეცა 4%-მდე, – ამის შესახებ რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ, ირაკლი ზარქუამ განაცხადა.
„ვაშაძეს კომპლექსი აქვს უკვე – სანამ პარტიაში გადავიდოდა, „ნაცებს“ ჰქონდათ 16-17%. ვაშაძე შეუერთდა და დაეცა 4%-მდე. კომპლექსი აქვს უკვე, მივხდა, რომ ეს მისი ბრალია. ჩვენ ამას ხომ ვამბობდით და ახლა საბოლოოდ ცელი გამოუსვა NDI-მ. ახლა NDI-ს უნდა ეომოს, აბა რა უნდა ქნას? უნდა ებრძოლოს და უნდა თქვას, რომ ეს NDI ებრძვის ვაშაძეს, თორემ შალიკო ფანჩატურიდან რომ ამბობდა, პირველ-მეორე-მესამე ადგილებზე ჩვენ გავედითო, აი, დაახლოებით ამ პლატფორმაზე სხდებიან ეს „ლუზერები“, – აღნიშნა ზარქუამ.
„სტრატეგია აღმაშენებლის“ ლიდერი გიორგი ვაშაძე NDI-ს ბოლო კვლევას აკრიტიკებს და სისულელეს უწოდებს.