ძალიან მნიშვნელოვანია ის ინფრასტრუქტურული პროექტები, რომლებიც განხორციელდა და დასრულდა სპორტული ინფრასტრუქტურის მიმართულებით, – ამის შესახებ რეგიონული განვითარებისა და ინფრასტრუქტურის მინისტრმა ირაკლი ქარსელაძემ „ქრონიკასთან“ განაცხადა.
მისი თქმით, ოლიმპიური საცურაო აუზი, რომელიც გაიხსნა ქუთაისში და წარმატებულად ფუნქციონირებს.
„11 სტადიონის მშენებლობა და რეაბილიტაცია განხორციელდა უეფას სტანდარტის შესაბამისად, რამაც საშუალება მოგვცა, წელს ღირსეულად გვემასპინძლა 21 წლამდელთა უეფას საფეხბურთო ჩემპიონატისთვის. გარდა ამისა, მნიშვნელოვანია, ოლიმპიური საცურაო აუზი, რომელიც გაიხსნა ქუთაისში და წარმატებულად ფუნქციონირებს. ამასთან დასრულების ეტაპზეა რუსთავის მრავალფუნქციური სპორტული კომპლექსი, ისევე, როგორც მიმდინარეობს პროექტები ახალ ციხეში, ზუგდიდში, ბოლნისში, წნორში, მარნეულში და სხვა. მომდევნო წელს აღნიშნული პროექტების დასრულება არის ასევე გათვალისწინებული. ამასთანავე, უნდა აღვნიშნოთ, რომ ჩვენ უკვე პროცედურულ მოსამზადებელ საკითხებს გავდივართ იმისთვის, რომ ქვეყანამ უკვე 2025 წელს ოლიმპიურ ფესტივალს უმასპინძლოს, რა მიზნითაც თბილისში აშენდება ყინულის სასახლე, ხოლო ბაკურიანში უკვე იქნება ბიატლონის და სათხილამურო შესაბამისი ტრასები მოწყობილი“, – აღნიშნა ირაკლი ქარსელაძემ.