ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში ფედერიკა მოგერინი აცხადებს, რომ შეერთებულმა შტატებმა, შესაძლოა, მსოფლიო ლიდერის როლი დაკარგოს.
„არასოდეს მინახავს ამერიკა ასე პოლარიზებული, გაყოფილი და კონფლიქტებით დატვირთული, როგორც ახლა. ის, ვისაც მართლა სურს მსოფლიო ლიდერის როლის თამაში, შიგნიდან ძლიერი, დაჯერებული და გაერთიანებული უნდა იყოს’’, – განაცხადა ფედერიკა მოგერინიმ გერმანელ ჟურანლისტთან საუბრის დროს.
„ჩვენ არ ვერევით ამერიკის პოლიტიკაში და ევროპელები იმედოვნებენ, რომ ამერიკა ასევე არ ჩაერევა ევროპის პოლიტიკაში’’, – დასძინა ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში.
კომენტარები