გაეროს გენერალური მდივანი ირანში მომხდარ ტერორისტულ აქტს გმობს და დამნაშავეთა დასჯას ითხოვს.
„ანტონიო გუტერეში ღრმა მწუხარებას გამოთქვამს და უსამძიმრებს დაღუპულთა ოჯახებს, ირანელ ხალხსა და ირანის ხელისუფლებას, დაშავებულებს კი სწრაფ გამოჯანმრთელებას უსურვებს“, – აღნიშნა გაეროს პრესსპიკერმა ფლორენსია სოტო ნინიომ.
ირანის ქალაქ ქერმანში, გენერალ ყასემ სულეიმანის საფლავთან მომხდარი აფეთქების შედეგად დაღუპულთა რიცხვი 103-მდე გაიზარდა. ბოლო მონაცემებით, აფეთქების შედეგად, სულ მცირე, 188 ადამიანი დაშავდა. მომხდარზე პასუხისმგებლობა ჯერჯერობით არავის აუღია. ადგილობრივი ხელისუფლების ცნობით, მომხდარს ტერაქტის კვალიფიკაცია მიენიჭა.
კომენტარები