გია ცაგარეიშვილი „მთავარი არხის“ დამფუძნებლის, ნიკა გვარამიას განცხადებას ეხმიანება. ფრაქცია „ქართული ოცნების“ თავმჯდომარის მოადგილე აცხადებს, რომ „ქართული ოცნების“ არც ერთი გულშემატკივარი გვარამიას ხმას არ მისცემს.
„გვარამია იყო ერთ-ერთი მნიშვნელოვანი ფიგურა კრიმინალიზირებულ პირამიდაში რომელიც სააკაშვილმა რუდუნებით ააგო და ახლა ეს ადამიანი, დღეს მე ამტკიცებს, რომ თურმე დღეს ის ქართულ პოლიტიკაში ე.წ. ახალი სახეა. გვარამია, თითქმის ყოველ დღე დგას პატიმრის საკანთან რჩევებს ეკითხება. ისევ მიხეილ სააკაშვილს ჩაუყოფს ჯიბეში ხელს და იმ რამდენიმე ათას ხმას ამოაცლის. რომელი „ქართული ოცნების“ გულშემატკივარი მისცემ ხმას კრიმინალ გვარამის ან კრიმინალ მელიას?!“, – აღნიშნა გია ცაგარეიშვილმა.
„მთავარი არხის“ დამფუძნებელმა, ნიკა გვარამიამ „ვივამედში“ საქართველოს ყოფილი პრეზიდენტის, მიხეილ სააკაშვილის მონახულების შემდეგ ჟურნალისტებს განუცხადა, რომ თანამშრომლობას განიხილავს ყველასთან, მათ შორის მელიასთანაც, ჯაფარიძესთანაც და ხოშტარიასთანაც.