ოპოზიციიდან არავის ვენდობი, რომ ხელისუფლებაში მოსვლის შემდეგ, არ დამიჭერენ, – ამის შესახებ პარტია „გირჩის“ ლიდერმა, იაგო ხვიჩიამ „ტვ პირველის“ ეთერში განაცხადა.
„ჩემი წარმოდგენით, რით უნდა იწყებოდეს „ნაციონალური მოძრაობის“ ნებისმიერი საუბარი სასამართლოს შესახებ? – შეცდომის აღიარებით, რომ „რამხელა შანსი მოგვცა ქართველმა ხალხმა 2003 წელს, რომ გაგვეთავისუფლებინა ქვეყანა და საბჭოთა კავშირში დავტოვეთ იმით, რომ მურუსიძე „გამოვჩეკეთ“. თუ ამას არ ამბობ, შენი რა დავიჯერო?
ნებისმიერ ოპოზიციაზე შემიძლია ამის თქმა, რადგან მე არ ვენდობი. მაგალითად, გახარიამ ორჯერ მე დამიჭირა და სამჯერ ვახო მეგრელიშვილი. იქნებ ისევ იგივე ხასიათზეა დღესაც? „ნაცებს“ როგორ ვენდო, როდესაც ვიცი, რომ ჩემნაირი პარტია, როგორიც დღეს არსებობს „გირჩი“, „ნაცმოძრაობის“ დროს ვერ იქნებოდა. ხაზარაძეს როგორ ვენდო, რომ არ დამიჭერს? რა მაძლევს ამის გარანტიას?“, – განაცხადა იაგო ხვიჩიამ.