განათლების და მეცნიერების მინისტრმა ალექსანდრე ჯეჯელავამ გუშინ საპატრიარქოში გამართული შეხვედრის შესახებ კომენტარი გააკეთა. მისი თქმით, ეკლესიის მღვდელმთავრები და პირადად პატრიარქი ნდობას უცხადებენ გამოძიებას.
”ძალიან მიხარია, გუშინ გამოჩნდა, რომ ეკლესია და ხელისუფლება არის აბსოლუტურად ერთიანი და მონოლითური ამ საკითხთან დაკავშირებით. ეკლესიის მღვდელმთავრებმა, მათ შორის პატრიარქმა სრული მხარდაჭერა, ნდობა აღუთქვეს გამოძიებას და ხელისუფლებას. ეს საკითხი უნდა მივიდეს ბოლომდე. ვინც არ უნდა იყოს დამნაშავე, სასულიერო თუ არასასულიერო პირი, ნებისმიერ შემთხვევაში დამნაშავე უნდა დაისაჯოს. ეს ძალიან სასიხარულოა და სრულიად აქარწყლებს იმ უსაფუძვლო ბრალდებებს, რაც ამ დღეების განმავლობაში ისმოდა. ვისაუბრეთ კონკრეტულად საქმის მიმდინარეობაზე, პროკურატურა რას, როგორ აკეთებს. სრული ნდობა მივიღეთ. პირადად პატრიარქი ნდობას უცხადებას გამოძიებას”, – განაცხადა ალექსანდრე ჯეჯელავამ.