“მიხეილ სააკაშვილმა შექმნა წამების სისტემა და რა თქმა უნდა მნიშვნელოვანია, რომ სასჯელის ყოველი დღე მოიხადოს”

მიხეილ სააკაშვილი გახლავთ სისხლის სამართლის დამნაშავე, მან შექმნა წამების სისტემა და რეჟიმი საქართველოში და რა თქმა უნდა მნიშვნელოვანია, რომ საკუთარი სასჯელის ყოველი დღე მოიხადოს, – ამის შესახებ პარლამენტის თავმჯდომარემ შალვა პაპუაშვილმა ჟურნალისტის კითხვის პასუხად განაცხადა, რომელიც მიხეილ სააკაშვილის და ალექსეი ნავალნის პატიმრობას შორის პარალელს ეხებოდა.

„ეს არის ჩვენი პასუხისმგებლობა მიხეილ სააკაშვილის რეჟიმის მსხვერპლების წინაშე“, – აღნიშნა პაპუაშვილმა.

პატიმარ მიხეილ სააკაშვილის მორიგი ტყუილი „ვივამედის“ პალატიდან – არაერთი ექსპერტიზის პასუხის მიუხედავად, მსჯავრდებული სააკაშვილი მაინც ამტკიცებს, რომ ისიც ნავალნის მსგავსად მოწამლეს. სააკაშვილი თავს ნავალნის ადარებს და ამბობს, რომ ორივე მათგანის წინააღმდეგ პუტინის რეჟიმი იბრძოდა.