ჩვენ მაქსიმალურად, ორმხრივ ფორმატებში ვმუშაობთ ევროკავშირის წევრ ქვეყნებთან იმისთვის, რომ ეს ურთიერთობები კიდევ უფრო გაძლიერდეს და გამყარდეს, – ამის შესახებ საგარეო საქმეთა მინისტრმა, ილია დარჩიაშვილმა განაცხადა.
„გრძელდება შეხვედრები სხვა მიმართულებითაც. მექნება საორგანიზაციო თვალსაზრისით მიუნხენის უსაფრთხოების ფორუმის ხელმძღვანელთან სამუშაო შეხვედრა. მასთან ერთად ვისაუბრებთ, თუ როგორ შეიძლება საქართველო კიდევ უფრო მეტად იყოს წარმომადგენელი ამ უმნიშვნელოვანესი პლატფორმის ფორმატებში. დარწმუნებული ვარ, მომავალში ესეც მოიტანს ახალს შესაძლებლობებს“, – აღნიშნა მინისტრმა.
საქართველოს საგარეო საქმეთა მინისტრი ილია დარჩიაშვილი მიუნხენის უსაფრთხოების კონფერენციაში მონაწილეობს, სადაც მაღალი დონის შეხვედრებს მართავს.
კომენტარები