ალექსეი ნავალნის გარდაცვალებასთან დაკავშირებით ბერლინში, რუსეთის საელჩოსთან აქცია გაიმართა. დიპლომატიურ წარმომადგენლობასთან შეკრებილმა 250-მდე ადამიანმა რუსეთის პრეზიდენტის პოლიტიკა გააპროტესტა და მომხდარში პუტინი დაადანაშაულა.
მედიის ცნობით, აქციაზე იმყოფებოდნენ ნადეჟდა ტოლოკონიკოვა და რუსული პანკჯგუფის, „პუსი რაიოტის“ სხვა წევრებიც, ასევე, რუსეთის პირველი არხის საინფორმაციო გამოშვების ყოფილი რედაქტორი მარინა ოვსიანიკოვა.
ნავალნის გარდაცვალების შესახებ 16 თებერვალს გახდა ცნობილი. ის სასჯელაღსრულების დაწესებულებაში დაიღუპა. ცხედარს ოჯახს ამ დრომდე არ ატანენ, რის გამოც ექსპერტები ვარაუდობენ, რომ მოსკოვი რაღაცას მალავს.
კომენტარები