როდესაც ქვეყნის პრეზიდენტად წოდებული პირი თავისი ქვეყნის კონსტიტუციას პატივს არ სცემს, რა თქმა უნდა, ასეთი ქვეყნის კონსტიტუციის პატივისცემაზე საუბარი ცალკეული უცხოელი პოლიტიკოსების მხრიდან ზედმეტია, – ამის შესახებ განაცხადა საპარლამენტო უმრავლესობის წევრმა და პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა პოლონეთის საგარეო საქმეთა მინისტრის განცხადების კომენტირებისას.
„სალომე ზურაბიშვილის ვითომ საქმიანი ვიზიტი ეს არის ერთიანი გეგმის ნაწილი. ამ ადამიანს აკადრებინეს ის, რომ მან უხეშად დაარღვია ჩვენი ქვეყნის ძირითადი კანონი. ესეც არის ერთიანი გეგმის ნაწილი. როდესაც ქვეყნის პრეზიდენტად წოდებული პირი თავისი ქვეყნის კონსტიტუციას პატივს არ სცემს, რა თქმა უნდა, ასეთი ქვეყნის კონსტიტუციის პატივისცემაზე საუბარი ცალკეული უცხოელი პოლიტიკოსების მხრიდან ზედმეტია. ამის გამოხატულებაა ის, რომ სალომე ზურაბიშვილს, რისთვისაც ის ჩაიყვანეს, მოასმენინეს, რომ თურმე, სააკაშვილთან მიმართებაში უნდა მომზადდეს ნიადაგი მისი შეწყალების“, – განაცხადა ოხანაშვილმა.
პოლონეთის საგარეო საქმეთა მინისტრმა სალომე ზურაბიშვილს მიხეილ სააკაშვილის გათავისუფლებისკენ მოუწოდა და მძიმე დანაშაულებისთვის გასამართლებულ ექსპრეზიდენტს მოდერნიზაციის სიმბოლო უწოდა.