პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე Scope Ratings-ის მიერ ხაზარაძისა და ჯაფარიძის შვილების მიერ მართული კომპანიის რეიტინგის შემცირებას გამოეხმაურა.
„რეალურად, ისინი [ხაზარაძე-ჯაფარიძე] ბიზნესითაც ატყუებდნენ ადამიანებს. [რეიტინგის] ორი პუნქტით დაწევასთან დაკავშირებით „ლისი ლეიქ დველოპმენტის“ ჯგუფის, მითითებულია პირდაპირ მიზეზები, მათ შორის ეს არის ძალიან სუსტი მენეჯმენტი. ამ [„ლელოს“ ლიდერებს] ადამიანებს აქვთ პრეტენზია, რომ სახელმწიფო სათავეში მოვიდნენ, მასზე პასუხისმგებლობა აიღონ. ადამიანებს, რომლებიც წინა ხელისუფლების დროს შეკრულები იყვნენ „ნაციონალურ მოძრაობასთან“ და დღესაც მათ ინტერესებს ატარებენ. ვხედავთ ცალსახად, რომ ყველა ფრონტზე ეს ადამიანები არიან „ლუზერები“ და მათი გაკეთებული საქმე მხოლოდ და მხოლოდ თაღლითობასთან არის დაკავშირებული“, – აღნიშნა მიქანაძემ.
Scope Ratings-მა ხაზარაძისა და ჯაფარიძის შვილების მიერ მართული კომპანიის, Lisi Lake Development-ის რეიტინგი B+დან B მინუსამდე შეამცირა, პროგნოზი კი „ნეგატიურზე“ შეცვალა.