“პოლონეთთან საზღვარზე არსებული კრიზისი სოლიდარობის ეროზიას ცხადყოფს”

უკრაინის პრეზიდენტმა, ვოლოდიმირ ზელენსკიმ განაცხადა, რომ პოლონეთთან საზღვარზე არსებული კრიზისი სოლიდარობის ეროზიას ცხადყოფს.

“ის, რაც ხდება ჩვენს დასავლეთ საზღვარზე – პოლონეთთან საზღვარზე – არ შეიძლება აღვიქვათ როგორც რაღაც ნორმალური ან ჩვეულებრივი. ჩვენ გვჭირდება მარტივი და გასაგები სამართლიანობა. ჩვენი სოფლის მეურნეობის ექსპორტის მხოლოდ 5% გადის პოლონეთის საზღვარზე”, – აღნიშნა ვოლოდიმირ ზელენსკიმ.

მისი თქმით, სიტუაცია არა მარცვლეულს, არამედ პოლიტიკას ეხება და ამიტომ აუცილებელია პოლონეთთან და ყველასთან, ვისაც ევროპის ბედი აწუხებს, საერთო რაციონალური გადაწყვეტილებების პოვნა.