ბრიტანეთში 85 წლის სააღდგომო შოკოლადის კვერცხი Hansons-ის აუქციონზე გაიყიდა. ამის შესახებ BBC წერს.
გამოცემის ინფორმაციით, კვერცხი 1939 წელს სიბილ კუკს უყიდეს, რომელიც უელსში, ქალაქ ნიტში ცხოვრობდა. ბიძამ, რომელიც ფიქრობდა, რომ მეორე მსოფლიო ომის გამო ქვეყანაში შოკოლადის დეფიციტი იქნებოდა, 9 წლის გოგოს ურჩია ტრადიციული სააღდგომო ტკბილეული რამდენიმე კვირაზე გადაენაწილებინა.
თუმცა სიბილს კვერცხი საერთოდ არ გაუხსნია და მას ორიგინალურ შეფუთვაში სიცოცხლის ბოლომდე ინახავდა. ქალი 2021 წელს, 91 წლისა გარდაიცვალა. კვერცხის გაყიდვა მისმა შვილებმა გადაწყვიტეს.
ლოტი მხოლოდ 200 გირვანქა სტერლინგად გაიყიდა, თუმცა სპეციალისტები მის სავარაუდო ფასად 300-500 გირვანქას ასახელებდნენ.
კომენტარები