სიდნეიში, ავსტრალიის პოლიციამ 540 კილოგრამამდე სავაჭროდ გამზადებული მეტამფიტამინი ამოიღო. ინფორმაციას Sydney Morning Herald-ი ავრცელებს.
ნარკომოვაჭრეებმა ნარკოტიკული საშუალების ავსტრალიაში შეტანა, ამერიკის შეერთებული შტატებიდან, სატვირთო გემის საშუალებით შეძლეს. ნარკოტიკები პროტეინებით სავსე ფხვნილის ფუთებში იყო დამალული.
სპეცოპერაციის შედეგად, 7 კაცი და 1 ქალი დააკავეს. ამოღებული მეტამფიტამინის საბაზრო ღირებულება 247 მილიონ დოლარზე მეტია. პოლიციის ცნობით, თანამზრახველები 20-30 წლისანი არიან.
კომენტარები