ვიცით, რომ მათ შურთ და ეშინიათ თურქეთის. სხვა მხრივ, ისინი თვლიან, საჭიროა გაერთიანება და ევროკავშირის გახლეჩვის არდაშვება, – განაცხადა თურქეთის საგარეო საქმეთა მინისტრმა მევლუთ ჩავუშოღლუმ.
„შარშან ვეწვიე ევროპას, მაგრამ რატომ მაშინ არ გააუქმეს ჩემი ვიზიტი? რატომ მაინცდამაინც 2017 წელს გააუქმეს? ევროპა მეორე მსოფლიო ომამდე პერიოდს უბრუნდება“, – აღნიშნა თურქეთის საგარეო საქმეთა მინისტრმა.
მისი თქმით, დიდ მწუხარებას იწვევს ის, რომ ბოლო 5-7 წლის განმავლობაში ევროპული ქვეყნების ძირითადი პარტიები რასისტულ მსოფლმხედველობას იზიარებენ.
„ზოგიერთი ევროპელი პოლიტიკოსი, რომლებიც ჩემთან სატელეფონო საუბრებისას ამბობდნენ, რომ მათ რცხვენიათ ჰოლანდიის ქმედებების გამო, შემდეგ ამ ქვეყანას მხარდაჭერას უცხადებენ. იცით, რატომ? ყველაფერი ეს შიშით არის განპირობებული. ჩვენ, რა თქმა უნდა, ვიცით, რომ მათ შურთ და ეშინიათ თურქეთის. სხვა მხრივ, ისინი თვლიან, საჭიროა გაერთიანება და ევროკავშირის გახლეჩვის არდაშვება. მე მათ მხოლოდ ერთი რამე შემიძლია ვუთხრა: შიში არ გადაგარჩენთ!“ – დასძინა მევლუთ ჩავუშოღლუმ.