შვედეთის შეიარაღებული ძალების ცნობით, რუსულმა თვითმფრინავმა, 14 ივნისს, შვედეთის საჰაერო სივრცე დაარღვია.
შვედეთის შეიარაღებული ძალების განცხადებით, რუსული თვითმფრინავის, SU-24-ის შესაჩერებლად Gripen-ის თვითმფრინავები გაიგზავნა, ვინაიდან დამრღვევმა რადიო-გაფრთხილებას არ უპასუხა. საჰაერო ძალების უფროსის, იონას ვიკმანის თქმით, ინციდენტი შვედეთის ტერიტორიული მთლიანობისადმი უპატივცემულობის გამოვლინებაა.
შვედეთის საგარეო საქმეთა მინისტრმა, ტობიას ბილსტრომმა საჰაერო სივრცის დარღვევას “მიუღებელი” უწოდა და თქვა, რომ ოფიციალური სტოკჰოლმი რუსეთის საელჩოს ოფიციალურ პირებს საგარეოში დაიბარებს.
კომენტარები