ისრაელის პრემიერ-მინისტრი ღაზაში ტაქტიკური პაუზების ამოქმედებით უკმაყოფილოა, – ინფორმაციას სააგენტო Reuters-ი ისრაელელ მაღალჩინოსანზე დაყრდნობით ავრცელებს.
წყაროს ცნობით, როდესაც ნეთანიაჰუმ ჰუმანიტარული პაუზის ამოქმედების შესახებ გაიგო, თავდაცვის ძალების მეთაურს მკაფიოდ განუცხადა, რომ მისთვის ეს მიუღებელია.
მანამდე ცნობილი გახდა, რომ ისრაელის თავდაცვის ძალებმა ჰუმანიტარული დახმარების მიწოდების გაზრდის მიზნით, ღაზის სექტორის სამხრეთ ნაწილში ყოველდღიური „ტაქტიკური პაუზების“ შესახებ განაცხადა. პაუზები დილის 8 საათიდან საღამოს 7 საათამდე იმოქმედებს.
კომენტარები