ფრანგული საფეხბურთო კლუბი „პსჟ“ „ნაპოლის“ ქართველ გარემარბს, ხვიჩა კვარაცხელიას ხელფასის სახით 11 მილიონ დოლარს სთავაზობს. ინფორმაციას ამის შესახებ იტალიური სპორტული გაზეთი Corriere dello Sport-ი ავრცელებს.
Corriere dello Sport-ი აღნიშნავს, რომ ხვიჩა კვარაცხელია ახლა თავის კარიერაში არც ისე მარტივ პერიოდს განიცდის.
„კვარაცხელიას აგენტმა, მამუკა ჯუღელმა და მამამ, ბადრი კვარაცხელიამ „იმედის“ ეთერში განაცხადეს, რომ „ნაპოლის“ დატოვებას აპირებენ კონტრაქტის განახლების შესახებ რთული მოლაპარაკების ფონზე“, – წერს იტალიური გაზეთი.
გაზეთის ინფორმაციით, პარიზული კლუბის შეთავაზების თანახმად, კვარაცხელია სეზონის განმავლობაში 11 მილიონ დოლარს მიიღებს ხელფასის სახით, ხოლო თავად კონტრაქტი 4-5 წლის პერიოდზეა გათვლილი.
კომენტარები