ისეთი ადამიანის ზელენსკის ფორმატში წარმოჩენა, რომელიც დანაშაულისთვის სასჯელს იხდის, ჩვენი საზოგადოების უდიდეს ნაწილში ღიმილის მომგვრელია, – ასე გამოეხმაურა პარლამენტის განათლების, მეცნიერებისა და ახალგაზრდობის საქმეთა კომიტეტის თავმჯდომარე გივი მიქანაძე დავით საყვარელიძის ნათქვამს, რომ ქართველი ხალხი „ქართველი ზელენსკის“ მოლოდინშია.
„დავით საყვარელიძეს სავარაუდოდ მიხეილ სააკაშვილი ჰყავს მხედველობაში და მიხეილ სააკაშვილი მას მოსწონს თუ არა, ის პასუხისგებაშია მიცემული კონკრეტული დანაშაულებრივი ქმედებებისთვის. ასეთი ადამიანის ზელენსკის ფორმატში წარმოჩენა ალბათ ჩვენი საზოგადოების უდიდეს ნაწილში ღიმილის მომგვრელია. ადამიანის, რომელიც სასჯელს იხდის და რომლის მიმართაც კიდევ რამდენიმე საქმე არის სასამართლოში. ეს მათი სურვილებია, რომელსაც ახდენა არ უწერია“, – აღნიშნა მიქანაძემ.
უკრაინულ მედიასთან ინტერვიუში გენერალური პროკურორის ყოფილი მოადგილე დავით საყვარელიძე აცხადებს, რომ ქართველი ხალხი „ქართველი ზელენსკის“ მოლოდინშია.