გერმანია არის ჩვენი ერთ-ერთი მთავარი მხარდამჭერი ქვეყანა ჩვენი ევროინტეგრაციის. ძალიან ძლიერი მხარდაჭერების მობილიზება შევძელით ევროკავშირის სხვადასხვა ქვეყნიდან, – ამის შესახებ საგარეო საქმეთა მინისტრმა ილია დარჩიაშვილმა ბერლინში ჟურნალისტებს განუცხადა.
„გერმანია არის ერთ-ერთი მთავარი მხარდამჭერი ქვეყანა ჩვენი ევროინტეგრაციის. ძალიან ძლიერი მხარდაჭერების მობილიზება შევძელით ევროკავშირის სხვადასხვა ქვეყნიდან. ჩვენი საგარეო პოლიტიკური პრიორიტეტები ცალსახაა. ამაზე ჩვენ ვსაუბრობთ ყოველდღიურად თითქმის და ეს პროცესი გაგრძელდება. ჩვენ გვინდა, რომ თითოეული ელჩი, რომელიც მუშაობს ევროკავშირის წევრ ქვეყნებში და ევროპაში სხვადასხვა ორგანიზაციაში, იყოს სრულად ინფორმირებული იმ საკითხების შესახებ, რომელიც არის ქვეყანაში, რომელი გამოწვევებიც აქვს ქვეყანას და იმ შესაძლებლობებზე, რომელიც უნდა გამოვიყენოთ. ჩვენ გვაქვს ორი მთავარი საგარეო პოლიტიკური პრიორიტეტი. ეს არის ჩვენი ევროპული და ევროატლანტიკური ინტეგრაცია და ჩვენ ვმუშაობთ ამ მიმართულებით თანმიმდევრულად, ყოველდღიურ რეჟიმში“, – აღნიშნა დარჩიაშვილმა.
ამბასადორიალი 2024 ბერლინში მიმდინარეობს, საქართველოს პრემიერ-მინისტრი გერმანიაშია და ქართველ დიპლომატებს ხვდება.