უკრაინის საგარეო საქმეთა მინისტრი დმიტრო კულება აცხადებს, რომ მეორე სამშვიდობო სამიტში რუსეთის მონაწილეობა შესაძლებელი იქნება შავი ზღვის მარცვლეულის ინიციატივის ფორმატში.
მისი თქმით, მარცვლეულის ფორმატი წარმატებულ გამოცდილებას წარმოადგენს, როდესაც უკრაინა მოლაპარაკებებს აწარმოებდა თურქეთთან და გაერო-სთან, რომლებიც თავის მხრივ, რუსეთს ელაპარაკებოდნენ.
თუმცა, კულება აღნიშნავს იმასაც, რომ უკრაინას არ სურს რუსეთთან პირდაპირი კონტაქტი, მისი დანაშაულების გათვალისწინებით.
კითხვაზე, არის თუ არა გარანტია, რომ სამშვიდობო სამიტზე რუსეთთან შეთანხმება არ ჩავარდება, როგორც ეს შავი ზღვის მარცვლეულის შეთანხმების დროს მოხდა, კულება ამბობს, რომ როდესაც საუბარი ეხება რუსეთს – წინდახედულობაა საჭირო.
კომენტარები