საჰაერო თავდაცვის ძალებმა უკრაინული, 114 დრონი გაანადგურეს, – ამის შესახებ ინფორმაციას რუსეთის თავდაცვის სამინისტრო ავრცელებს.
„გასული ღამის განმავლობაში აღიკვეთა კიევის რეჟიმის მცდელობა განეხორციელებინა ტერორისტული თავდასხმა უეკიპაჟო კატერებისა და უპილოტო საფრენი აპარატების გამოყენებით რუსეთის ფედერაციის ტერიტორიაზე მდებარე სამიზნეების წინააღმდეგ“, – აცხადებენ თავდაცვის სამინისტროში.
ამასთან, მათივე მტკიცებით, საჰაერო თავდაცვის სისტემებმა 70 დრონი ყირიმის ტერიტორიასა და შავი ზღვის თავზე გაანადგურეს, 43 – კრასნოდარის მხარის ტერიტორიაზე, ხოლო ერთი დრონი – ვოლგოგრადის ოლქის ტერიტორიაზე.
ყუბანის ოპერატიული შტაბის ინფორმაციით, ტემრიუკის, სევერსკის და ეისკის ტერიტორიებზე დრონების გამოყენებით მასიური თავდასხმა განხორციელდა.
ამასთან, კრასნოდარში დაზიანდა ავტოსადგურის შენობა და საქვაბე ოთახი, სადაც ერთი ადამიანი დაიღუპა.