რუსეთისთვის უკრაინა 2100-კილომეტრიანი საზღვარია და ამას ეგზისტენციალურ საკითხად განიხილავენ. აშშ-სთვის კი ეს რისკის თამაშია, – ამის შესახებ ჯეფრი საქსმა პირს მორგანთან ინტერვიუში განაცხადა. ამერიკელმა პროფესორმა აღნიშნა, რომ ამ თამაშის შესახებ დიპლომატი ზბიგნევ ბჟეზინსკი ჯერ კიდევ 1997 წელს წერდა სტატიაში „მოდით კუთხეში მოვაქციოთ რუსეთი“.
„ვფიქრობ ყველასთვის სასარგებლო იქნება, წავიკითხოთ ჩვენი ერთ-ერთი საუკეთესო დიპლომატის, უილიამ ბარნსის მემორანდუმი, რომელიც „სი აი ეის“ დირექტორია მაგრამ 2008-ში იყო აშშ-ის ელჩი რუსეთში და მან მისწერა სახელმწიფო მდივანს კონდოლიზა რაისს საიდუმლო გზავნილი – „ჯულიან ასანჟმა ყველას გვაჩვენა როგორია რეალური დისკუსიები და არა ზედაპირული მოდელები და ნარატივები“. ბარნსი წერდა, რომ ნატოს საკითხი არა მხოლოდ პუტინთან, არამედ რუსეთის მთელს პოლიტიკური კლასთან არის დაკავშირებული. ამ მემორანდუმს ჰქვია „არა ნიშნავს არას” (нет means нет). რუსეთი ამას უყურებს, როგორც ეგზისტენციალურ საკითხს“, – მიიჩნევს საქსი.