გასულ ღამეს რუსეთის ძალებმა უკრაინის სამხრეთ და დასავლეთ რეგიონებში ენერგეტიკულ ინფრასტრუქტურაზე მიიტანეს იერიში.
როგორც უკრაინის ენერგეტიკის სამინისტროში აცხადებენ, ერთ-ერთ ობიექტზე დაშავდა ორი ენერგეტიკოსები. ისინი საავადმყოფოში არიან გადაყვანილი.
უკრაინის ელექტროსისტემების ოპერატორი კომპანიის „უკრენერგოს“ ცნობით, დაზიანებულია აღჭურვილობა ზაპოროჟიესა და ლვოვის ოლქებში მდებარე ობიექტებზე.
რუსეთმა ღამით უკრაინაზე დარტყმები სხვადასხვა რაკეტითა და „შაჰედის“ ტიპის დრონებით განახორციელა. კერძოდ, რუსმა ოკუპანტებმა უკრაინის სხვადასხვა რეგიონის მიმართულებით 16 რაკეტა და 13 დრონი გაუშვეს, საიდანაც უკრაინის საჰაერო თავდაცვამ 12 რაკეტა და 13-ივე დრონი გაანადგურა.
კომენტარები