დაღესტანში უცნობმა პირებმა სინაგოგას და ეკლესიას ცეცხლი გაუხსნეს. შემთხვევის შედეგად მოკლულია ერთი პოლიციელი, ერთი კი დაჭრილია. ამის შესახებ მედია დაღესტნის შინაგან საქმეთა სამინისტროს პრესსამსახურზე დაყრდნობით ავრცელებსინფორმაციას.
შემთხვევა დერბენტში მოხდა. ეჭვმიტანილები ავტომობილით მიიმალნენ. შემთხვევის ადგილზე საგამოძიებო კომიტეტის თანამშრომლები მუშაობენ.
გარდა ამისა, მაჰაჩყალაში დაუდგენელი პირები საგზაო-საპატრულო პოლიციის პოსტს დაესხნენ თავს. შსს-ს ცნობით, დაღუპულია პოლიციის ერთი თანამშრომელი, ექვსი კი დაშავებულია.
დაღესტნის საზოგადოებრივი მონიტორინგის კომისიის თავმჯდომარის მოადგილის შამილ ხადულაევის ინფორმაციით, თავდასხმების მსხვერპლი გახდა დერბენტში მღვდელი, ხოლო მაჰაჩყალაში ეკლესიის დაცვის თანამშრომელი.
მიმდინარეობს ოპერაცია თავდამსხმელების დასაკავებლად.