ეს არის უპრეცედენტო გადაწყვეტილება, რომლის მსგავსი არ მახსენდება რომელიმე პროფესიაში მომხდარიყო – ერთბაშად და ერთიანად, – ამის შესახებ განათლების და მეცნიერების მინისტრმა გიორგი ამილახვარმა მასწავლებლების ხელფასების ზრდასთან დაკავშირებით „იმედი LIVE“-ში განაცხადა.
„ეს არის უპრეცედენტო გადაწყვეტილება, რომლის მსგავსი არ მახსენდება რომელიმე პროფესიაში მომხდარიყო – ერთბაშად და ერთიანად. საქართველოს მთავრობამ და ჩვენმა გუნდმა ერთ წელზე მეტხანს იმუშავა ამაზე. გამოიკითხა ათასობით მასწავლებელი, მე პირადად შევხვედრივარ ხუთიათასამდე მასწავლებელს, სადაც პერმანენტულად ვსაუბრობდით ამ საკითხებზე. ეს არ არის არც გიორგი ამილახვრის, არც ირაკლი კობახიძის, ან სხვა ვინმეს პირადი გადაწყვეტილება. ეს არის იმ გამოცდილებაზე დაფუძნებული, რომელიც მრავალი წლის განმავლობაში დაგროვდა სისტემაში, ეს არის არაერთ სიღრმისეული კვლევის მიგნებებიდან გამომდინარე და თავად პედაგოგთა უმრავლესობის მრავალწლიანი მოთხოვნაც, დაკვეთაც და შეძახებაც ხელისუფლებისადმი“, – აღნიშნა ამილახვარმა.
1 ივლისიდან მასწავლებლების ანაზღაურება 500 ლარით იზრდება.