აშშ-ის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა, რომ ჯო ბაიდენს მტკიცედ სჯერა, რომ მარკ რუტე ნატოს შესანიშნავი გენერალური მდივანი იქნება.
26 ივნისს, მარკ რუტე ნატოს გენერალურ მდივნად დაინიშნა. რუტე თანამდებობას 1-ელ ოქტომბერს დაიკავებს, მას შემდეგ რაც ალიანსის მოქმედი გენერალური მდივნის, იენს სტოლტენბერგის უფლებამოსილება ამოიწურება.
„ჩვენ ასევე მივესალმებით განცხადებას, რომ ნიდერლანდების პრემიერ-მინისტრი, მარკ რუტე ნატოს მომავალი გენერალური მდივანი იქნება. პრეზიდენტი ბაიდენი და პრემიერ-მინისტრი რუტე მჭიდროდ მუშაობდნენ ერთად გასული ათწლეულის განმავლობაში, როდესაც ჯო ბაიდენი ვიცე-პრეზიდენტი იყო და, რა თქმა უნდა, ახლა, როდესაც ის არის მთავარსარდალი. ისინი ერთად მუშაობენ სხვადასხვა საკითხზე, მათ შორის ჩვენს ერთობლივ ძლიერ მხარდაჭერაზე უკრაინისადმი. პრეზიდენტ ბაიდენს მტკიცედ სჯერა, რომ მარკ რუტე იქნება შესანიშნავი გენერალური მდივანი“, – აღნიშნა ჯონ კირბიმ.