„ტვ პირველის“ გადამღებმა ჯგუფმა ოლიმპიურ სასახლეში მკლავჭიდელთა ახალდაფუძნებული კავშირის ყრილობაზე პროვოკაცია მოაწყო. სხდომაზე ფედერაციის პრეზიდენტის არჩევნები უნდა დაწყებულიყო, რა დროსაც, დარბაზში „ტვ პირველის“ კორესპონდენტი მარიამ გაფრინდაშვილი შევიდა და იქ მყოფებთან არათემატური კითხვების დასმას ცდილობდა.
მას წესრიგის დაცვისკენ მოუწოდეს, თუმცა, საბოლოო გადამღებ ჯგუფს დარბაზი იძულებით დაატოვებინეს.
ინციდენტის მიუხედავად ფედერაციის სხდომა გაგრძელდა.
ოლიმპიურ სასახლეში მკლავჭიდელთა ახალდაფუძნებული კავშირის ყრილობა გაიმართა. კავშირის პრეზიდენტად ოთხი წლის ვადით, ფარული კენჭისყრის შედეგად, ხმათა უმრავლესობით ავთანდილ ახვლედიანი აირჩიეს. საქართველოს მკლავჭიდელთა კავშირის საპატიო პრეზიდენტად ცნობილი ქართველი მკლავჭიდელი ზაურ ცხადაძე დასახელდა. ყრილობაზე ასევე დამტკიცდა კავშირის წესდებაც.