დაახლოებით 1200 ადამიანზეა გათვლილი 7 ჩარტერი, დარწმუნებულები ვართ, რომ ვიხილავთ ბევრ ქართველ ქომაგს ხვალინდელ თამაშზე გერმანიაში, – განაცხადა ეკონომიკისა და მდგრადი განვითარების მინისტრის მოადგილემ მარიამ ქვრივიშვილმა.
მინისტრის მოადგილის თქმით, განსაკუთრებით მნიშვნელოვანი ორი ფაქტორი იყო.
„ერთი – რა თქმა უნდა, ის, რომ ბევრ ქართველ ქომაგს ჰქონოდა შესაძლებლობა, ეგულშემატკივრა ჩვენი ნაკრებისთვის გერმანიაში თამაშის დროს. მეორეს მხრივ, ავიაბილეთების ღირებულება უნდა ყოფილიყო ხელმისაწვდომი. ბილეთების ღირებულება იქნება სუბსიდირებული – ერთი გზა 195 ევრო. დაახლოებით 1200 ადამიანზე არის გათვლილი აღნიშნული 7 ჩარტერი. მოთხოვნიდან გამომდინარე, დარწმუნებულები ვართ, რომ ვიხილავთ ბევრ ქართველ ქომაგს ხვალინდელ თამაშზე გერმანიაში“, – განაცხადა მარიამ ქვრივიშვილმა.