ჩვენ უფრო ძლიერები დავბრუნდებით აუცილებლად და ქართველ გულშემატკივარს მინდა მოვუწოდო, რომ ირწმუნონ ჩვენი და აუცილებლად გავახარებთ მათ მომავალში, – ამის შესახებ საქართველოს ნაკრების მეკარემ გიორგი მამარდაშვილმა ესპანეთ-საქართველოს მატჩის შემდეგ პრესკონფერენციაზე განაცხადა.
„მართლაც ამაყები უნდა ვიყოთ იმიტომ, რომ საქართველოს ვაჩუქეთ ეს ჩემპიონატი. სამწუხაროა მერვედფინალში გამოვარდნა, მაგრამ რამდენიმე წლის წინ იმასაც ვერ წარმოვიდგენდით, რომ აქამდე მოვიდოდით. ესპანეთი, ჩემი აზრით, ფავორიტია ამ ჩემპიონატის და ვფიქრობ, რომ ამ ჩემპიონატს მოიგებენ. სამწუხაროა, რომ ესპანეთი შეგვხვდა, მაგრამ ეს ყველაფერი არ არის დასასრული. ჩვენ უფრო ძლიერები დავბრუნდებით აუცილებლად და ქართველ გულშემატკივარს მინდა მოვუწოდო, რომ ირწმუნონ ჩვენი და აუცილებლად გავახარებთ მათ მომავალში“,- აღნიშნა მამარდაშვილმა.