ისტორია რომ დაიწერა ყველა იმეორებს და ახალს არაფერს ვიტყვი, – ამის შესახებ საპარლამენტო უმრავლესობის ლიდერმა მამუკა მდინარაძემ ესპანეთთან თამაშის დასრულების შემდეგ „ქრონიკასთან“ ინტერვიუში განაცხადა.
„მადლობა ყველას, პირველ რიგში ბიჭებს რომ ეკუთვნით და საოცრებაც რომ ჩაიდინეს. თან ჩვენ, ქართველები, მაქსიმალისტები აღმოვჩნდით ამ შემთხვევაშიც, როგორც ყველა სხვა შემთხვევაში. ჯერ ევროპაზე გასვლა საოცრება იყო, ჩავთვალეთ, ასე მივიჩნიეთ და სწორადაც რომ საოცრება იყო. შემდეგ 16 საუკეთესო გუნდში მოვხვდით და დღეს მოვინდომეთ, რომ ესპანეთისთვისაც მოგვეგო.
პირველი ტაიმი რომ დასრულებულიყო სამართლიანად და ამ მომენტით არ დავჩაგრულიყავით, შეიძლება ყველაფერი აბსოლუტურად სხვანაირად მომხდარიყო და მოეხერხებინათ ახალი საოცრება ჩაედინათ, მაგრამ რაც იყო ის იყო, საოცრება ყველა ვარიანტში, ახალი ისტორიის სახით ბიჭებმა დადეს, ნაკრებმა დადო.
ვილი სანიოლს, ამ ლეგენდარულ კაცს უდიდესი მადლობა ბევრი გაგებით, წარმოუდგენელია, რომ არ დავაფასოთ, ამ კაცს მართლა ძეგლი უნდა დავუდგათ ჩვენს ქვეყანაში, რა თქმა უნდა, ფედერაციას და ჩვენს ქომაგებს, რომლებიც როგორ იქცევიან დღეს ქუჩაში, როგორ იქცეოდნენ მოედანზე მთელი ორი ტაიმის განმავლობაში და ბოლოშიც, 4:1 რომ ვაგებდით, საქართველო, საქართველო სკანდირებდა, გეგონებოდა მთელი მოედანი“, – აღნიშნა მამუკა მდინარაძემ.