უკრაინის ქალაქ დნეპროპეტროვსკზე რუსეთის სარაკეტო იერიშის შედეგად, სულ მცირე, სამი ადამიანი დაიღუპა, 18 კი დაშავდა. აღნიშნულის შესახებ ინფორმაციას დნეპროპეტროვსკის მერი ბორის ფილატოვი ავრცელებს.
„სამწუხაროდ, არიან დაღუპული მშვიდობიანი მოქალაქეები“, – განაცხადა ფილატოვმა.
თავდასხმის შედეგად რამდენიმე ადგილას ხანძარი გაჩნდა, ასევე დაინგრა რამდენიმე შენობა. ადგილზე სახანძრო-სამაშველო და სასწრაფო დახმარების ჯგუფები ამ დრომდე აგრძელებენ მუშაობას.
კომენტარები