აღმოსავლეთ ჩინეთის ერთ-ერთ ქალაქში ტორნადოს შედეგად ხუთი ადამიანი დაიღუპა და 100-მდე დაშავდა. ამის შესახებ ინფორმაციას CNN-ი ჩინეთის სახელმწიფო საინფორმაციო სააგენტოზე დაყრდნობით ავრცელებს.
დონგმინგის ოლქის საგანგებო სიტუაციების მართვის ბიურომ განაცხადა, რომ “ტორნადო ძლიერმა კონვექციურმა ამინდმა გამოიწვია”. ადგილობრივმა მთავრობამ სამეთაურო ცენტრი შექმნა და სასწრაფო რეაგირების ოპერაციები დაიწყო.
ბიუროს ცნობით, სასწრაფო დახმარების სამსახურები, ამ დროისთვის, სტიქიის შემდგომ გაწმენდით სამუშაოებს ატარებენ.
ცნობილია, რომ შანგდონგის პროვინციაში, კაიუანში ტორნადომ 2820 სახლი დააზიანა. განადგურდა ხეებიც.
კომენტარები