“ვარჯიშის შემდეგ წყალს გვიცხელებდნენ და სათლებით ერთმანეთს ვასხამდით რომ დაგვებანა”

1996 წლის ევროპის ჩემპიონატის საკვალიფიკაციო ეტაპის შეხვედრას ვეტერანი ფეხბურთელი, კახა ცხადაძე “იმედის კვირასთან” საუბრისას იხსენებს და ამბობს, რომ ეს კონკრეტული თამაში საქართველოს მაშინდელმა ნაკრებმა უიღბლობის გამო წააგო. კახა ცხადაძე „დინამოს“ საწვრთნელ ბაზაზე არ არსებულ პირობებზე საუბრობს და ჰყვება, რომ ნაკრებს თამაშის შემდეგ წყლის გადავლების საშუალებაც კი არ ჰქონდა.

“დიდი ემოციებით გამოვედით თამაშზე, მაგრამ სამწუხაროდ, როგორც გახსოვთ ეს თამაში წავაგეთ. თამაშიდან გამომდინარე ასეთი უიღბლობა, როგორიც იმ დღეს იყო, წარმოუდგენელია. მთელი თამაშის განმავლობაში ჩვენი უპირატესობა იყო, სამი გოლი გავიტანეთ და არ ჩაითვალა.

არა შუქი, არა გაზი. „დინამოს“ ბაზაზე ცხოვრობდა ნაკრები და მახსოვს, რომ ვარჯიშის შემდეგ წყალს გვიცხელებდნენ და სათლებით ერთმანეთს ვასხამდით, რომ დაგვებანა.

ზოგს ბურთი ჩამოჰქონდა, ზოგს ბუცი, ზოგს სამედიცინო აღჭურვილობა, თუმცა ჩვენ ჩვენი ნაკრებისთვის არაფერი დაგვიშურებია”, – აღნიშნა კახა ცხადაძემ “იმედის კვირასთან” საუბრისას.