უკრაინის ქალაქ კრივოი როგზე რუსეთის სარაკეტო თავდასხმას ათი ადამიანი ემსხვერპლა, 31 კი დაშავდა. უკრაინული მედიის ინფორმაციით, დაშავებულთა შორის ათი მძიმე მდგომარეობაშია.
„რამდენიმე დარტყმა განხორციელდა, მათ შორის, ერთი სამრეწველო საწარმოს ადმინისტრაციულ შენობაზე. შედეგების ლიკვიდაცია გრძელდება“, – განაცხადა კრივოი როგის თავდაცვის საბჭოს თავმჯდომარემ, ალექსანდრე ვილკულმა.
უკრაინის პრეზიდენტის, ვოლოდიმირ ზელენსკის განცხადებით, რუსეთმა სარაკეტო იერიში ასევე განახორციელა დნეპროპეტროვსკზე, სლავიანსკსა და კრამატორსკზე. საერთო ჯამში, რუსეთის თავდასხმას უკრაინაში დღეს, სულ მცირე, 20 ადამიანი ემსხვერპლა.
კომენტარები