ესტონეთის თავდაცვის ძალების სადაზვერვო ცენტრის ხელმძღვანელის, პოლკოვნიკ ანტს კივისელგის განცხადებით, უკრაინაში ბრძოლები ფრონტის მთელ ხაზზე გრძელდება, რუსული ჯარების თავდასხმების ინტენსივობა კი, ზოგიერთ დღეებში, 190-ს აღწევს.
ესტონეთის თავდაცვის სამინისტროში გამართულ ყოველკვირეულ პრესკონფერენციაზე პოლკოვნიკმა კივისელგმა აღნიშნა, რომ რუსეთის შეიარაღებული ძალების თავდასხმების ინტენსივობა ბოლო კვირებში გაიზარდა და ზოგიერთ დღეებში 190-ს, საშუალოდ კი დღეში 150-ს მიაღწია.
პრესკონფერენციაზე პოლკოვნიკმა კივისელგმა აღნიშნა, რომ რუსეთის შეიარაღებული ძალების თავდასხმების ინტენსივობა ბოლო კვირებში გაიზარდა და ზოგიერთ დღეებში 190-ს, საშუალოდ კი დღეში 150-ს მიაღწია.
პოლკოვნიკის თქმით, მიუხედავად იმისა, რომ რუსეთმა ბოლო დღეებში შეტევითი ოპერაციების ინტენსივობა გაზარდა, ფრონტზე გარღვევას მაინც ვერ მიაღწია.
„ბოლო დღეებში რუსეთმა კიდევ უფრო გაზარდა შეტევითი ზეწოლა ოპერატიული ინიციატივის შესანარჩუნებლად და უახლოესი მიზნების მისაღწევად, რა დროსაც მან, ცოცხალი ძალის კუთხით, მნიშვნელოვანი ზარალი განიცადა. თუმცა, ძალთა არსებულმა ბალანსმა რუსეთის შეიარაღებულ ძალებს არცერთ ფრონტზე არ მისცა გადამწყვეტი გარღვევის მიღწევის საშუალება და მძიმე ომი გრძელდება“, – ამბობს ანტს კივისელგი.
საბრძოლო მოქმედებების ეპიცენტრი კვლავ დონეცკის ოლქია, სადაც რუსეთის შეტევა მაღალი ინტენსივობით გრძელდება. უმძიმესი ბრძოლები კვლავ მიმდინარეობს პოკროვსკის მიმართულებით, ოჩერეტინსკის და ტორეცკის რაიონებში და ჩასოვ იარის გარშემო. პოლკოვნიკის თქმით, რუსეთის გრძელვადიანი მიზანი დონეცკის მთელი რეგიონის ოკუპაციაა.
„ოჩერეტინის რაიონში მცირე ტაქტიკური წარმატებების წყალობით, რუსეთის ფედერაციის შეიარაღებულმა ძალებმა მოახერხეს მათ მიერ კონტროლირებადი ტერიტორიის გაზრდა და რაც ასევე ნეგატიური ამბავია – მტერმა გახსნა ტორეცკის შეტევითი ზონა, სადაც ტაქტიკური გარღვევა დაიწყო სამხრეთით, ნიუ-იორკის (სასოფლო ტიპის დასახლება ბახმუტის რაიონში – რედ.) მიმართულებით“, – განაცხადა კივისელგმა.
მის ხელთ არსებული ინფორმაციის თანახმად, შეტევითი ოპერაციები ასევე მიმდინარეობს დონეცკის აღმოსავლეთით, სუმში – ტორეცკის გარეუბნების დასაკავებლად და თავად ქალაქის იზოლირებისთვის.
ესტონეთის სამხედრო დაზვერვის ხელმძღვანელის თქმით, რუსეთის ფედერაციის შეიარაღებულმა ძალებმა შეძლეს ჩასოვი იარის აღმოსავლეთ ნაწილში მათ მიერ კონტროლირებადი ზონის კიდევ უფრო გაფართოვება.
კივისელგის მტკიცებით, დონეცკის მიმართულებით რუსეთის არმიის რესურსები იწურება, რაც უკრაინას კონტრშეტევის შესაძლებლობებს აძლევს. „რუსეთი აგრძელებს დონეცკის მიმართულებით მოქმედი ჯგუფის გაძლიერებას და ამ რეგიონში მიღწეული წარმატების განმტკიცებას ცდილობს. თუმცა, მისი რეზერვები იწურება და იძულებულია, ჯარები ერთი მიმართულებიდან მეორეზე გადაიყვანოს, რათა საყრდენი პლაცდარმი შექმნას. ეს, თავის მხრივ, უკრაინისთვის კონტრშეტევების განხორციელების შესაძლებლობებს იძლევა“, – აღნიშნა მან ყოველკვირეულ ბრიფინგზე.
ესტონელი პოლკოვნიკი დასძენს, რომ რუსეთის მხრიდან შეტევითი ზეწოლის მაღალი დონის მიუხედავად, უკრაინის თავდაცვა ეფექტურებას ინარჩუნებს და მისმა სამხედრო ძალებმა, კონტრშეტევების განხორციელებით, ზოგიერთ რაიონში ინიციატივის დაბრუნება შეძლო.
უკრაინა აგრძელებს კონტრშეტევებს ხარკოვის მიმართულებით, კერძოდ ვოვჩანსკისა და ლიმანსკის მიმართულებით, სადაც მტერი უკან დაიხია.
ბოლო ერთი კვირის განმავლობაში, ფრონტის სხვა უბნებზე მნიშვნელოვანი ცვლილებები არ მომხდარა.