საფრანგეთის ყოფილი პრეზიდენტი, ფრანსუა ოლანდი, რომელიც ქვეყანას 2012 წლიდან 2017 წლამდე მართავდა, საფრანგეთის პარლამენტის წევრად აირჩიეს. ინფორმაციას ამის შესახებ ტელეკომპანია CNN-ი ავრცელებს.
აღსანიშნავია, რომ ფრანსუა ოლანდი საპრეზიდენტო ვადის დასრულების შემდეგ გამოეთიშა პოლიტიკურ საქმიანობას, თუმცა დაბრუნდა მას შემდეგ, რაც განაცხადა, რომ ულტრამემარჯვენეები რეალურ საფრთხეს უქმნიდნენ ქვეყნის მომავალს.
საფრანგეთის საპარლამენტო არჩევნების მეორე ტურში „ახალმა სახალხო ფრონტმა“ გაიმარჯვა.
წინასწარი მონაცემებით, „ახალი სახალხო ფრონტი“ (მემარცხენეების გაერთიანება) პარლამენტში 172-192 ადგილს მიიღებს, პრეზიდენტ ემანუელ მაკრონის კოალიცია – 150-170 ადგილს, ხოლო მარინ ლე პენის „ეროვნული გაერთიანება“ – 132-152 ადგილს.
კომენტარები