აშშ-ს საზღვრის დაცვის ოფიცებმა დააპატიმრეს მამაკაცი, რომლის ავტომობილის საბარგულშიც ოთხი ადამიანი აღმოაჩინეს. ამის შესახებ ინფორმაციას CNN ავრცელებს. მძღოლს ოთიხვე მათგანი მექსიკიდან აშშ-ში გადაჰყავდა.
საზღვრის დაცვის ოფიცრებმა ავტომობილი სან ისიდროს საზღვართან გააჩერეს. როდესაც მათ საბარგული შეამოწმეს, ეროვნებით ჩინელები – სამი ქალი და ერთი კაცი იპოვეს.
ფოტოზე ჩანს, რომ ისინი თოკებით იყვნენ შეკრულები, რათა ვიწრო საბარგულში ოთხივე მოთავსებულიყო.
როგორც საზღვრის დაცვის ოფიცრებმა განაცხადეს, აშშ-ში შესვლის ლეგალური უფლება არცერთ მათგანს არ ჰქონია. ოთხივე მოქალაქე სასჯელაღსრულების დაწესებულებაში გადაიყვანეს და სამართლებრივი პროცედურების დასრულების შემდეგ თავიანთ ქვეყანაში დააბრუნებენ.
ავტომობილის მძღოლი 24 წლის ამერიკელია. ის დააპატიმრეს და ბრალს ცოტა ხანში წაუყენებენ.