“ჩვენ ერთი რამ გვაქვს საერთო, ორივეს წინა ადმინისტრაცია გვისმენდა”

აშშ-ის პრეზიდენტმა დონალდ ტრამპმა გერმანიის კანცლერ ანგელა მერკელთან ერთობლივ პრესკონფერენციაზე აღნიშნა, რომ მათ ერთი რამ აქვთ საერთო, ორივეს წინა ადმინისტრაცია უსმენდა, – იუწყება Yahoo News.
„რაც შეეხება სატელეფონო საუბრების მოსმენებს, ჩვენ ერთი რამ საერთო გვაქვს, ორივეს წინა ადმინისტრაცია გვისმენდა“, – მიმართა აშშ-ის პრეზიდენტმა დონალდ ტრამპმა ანგელა მერკელს ერთობლივ პრესკონფერენციაზე.
აშშ-ის პრეზიდენტის დონალდ ტრამპის აღნიშნული რემარკა 2013 წლის ამბებს ეხება, როდესაც გასაჯაროვდა ინფორმაცია იმის თაობაზე, რომ აშშ-ის ეროვნული უსაფრთხოების სააგენტო გერმანიის კანცლერის ანგელა მერკელის სატელეფონო საუბრებს უსმენდა.
რამდენიმე კვირის წინ დონალდ ტრამპმა განაცხადა, რომ წინასაარჩევნო კამპანიისას აშშ-ის ყოფილი პრეზიდენტის ბარაქ ობამას ბრძანებით მისი სატელეფონო საუბრების მოსმენა ხდებოდა, თუმცა აღნიშნულთან დაკავშირებით რამე მტკიცებულებები არ მოუყვანია.