თურქულმა პროსახელისუფლებო გაზეთმა გერმანიის კანცლერ ანგელა მერკელს „ქალბატონი ჰიტლერი“ და „ულამაზო დეიდა“ უწოდა, ხოლო გაზეთის პირველ გვერდზე მერკელის კარიკატურა დაბეჭდა, სადაც ის ჰიტლერს არის მიმსგავსებული.
ყოველდღიურმა ტაბლოიდმა Gunes მერკელს ფაშისტების უნიფორმა ჩააცვა და ტუჩის ზემოთ ჰიტლერის სტილის ულვაში მოარგო, ხელში იარაღი დააჭერინა, ხოლო მკლავზე ფაშისტების სიმბოლო აქვს გამოსახული.
გერმანიასა და ჰოლანდიას თურქეთი მას შემდეგ დაუპირისპირდა, რაც ქვეყნებმა თურქეთის მინისტრებს არ მისცეს საშუალება ეწარმოებინათ კამპანია, რომლის მიზანიც 16 აპრილს თურქეთში დაგეგმილი რეფერენდუმის მხარდაჭერა იყო.
კომენტარები