„თურქეთი არ არის ის ქვეყანა, რომლის მინისტრების გამოგდება შეიძლება და რომლის მოქალაქეებს უხეშად შეიძლება მოექცე“, – განაცხადა თურქეთის პრეზიდენტმა რეჯეფ თაიფ ერდოღანმა ანკარაში საპრეზიდენტო სასახლეში სიტყვით გამოსვლისას.
„ჩვენ ევროპულ ქვეყნებს დემოკრატიის, ადამიანის უფლებებისა და თავისუფლებების პატივისცემისკენ მოვუწოდებთ. უნდა გვახსოვდეს, რომ ისევე როგორც ჩვენ, ასევე ევროპელებსაც სჭირდებათ ეს ღირებულებები.
მაშ, თქვენ მხარს უჭერთ ჰოლანდიას – კეთილი. მაშინ მე მხარს ვუჭერ ჩემს ხალხსა და ღმერთს.
თუ ევროპა ამგვარად განაგრძობს მოქცევას, არც ერთი ევროპელი მსოფლიოს არც ერთ კუთხეში უსაფრთხოდ ვერ გაივლის ქუჩებში“, – განაცხადა ერდოღანმა.
კომენტარები