“ომმა და საქართველოს ომში შესაძლო ჩართვის მცდელობებმა, კრიტიკულად მძიმე ხასიათი მიიღო”

ომმა და საქართველოს ომში შესაძლო ჩართვის მცდელობებმა, კრიტიკულად მძიმე ხასიათი მიიღო და ეს საშიშროება ჯერ კიდევ არ არის უვნებელყოფილი მთლიანად, – განაცხადა პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა.

„ომმა და საქართველოს ომში შესაძლო ჩართვის მცდელობებმა, კრიტიკულად მძიმე ხასიათი მიიღო და ეს საშიშროება ჯერ კიდევ არ არის უვნებელყოფილი მთლიანად. ამიტომ ჩვენ მიგვაჩნია, რომ საკონსტიტუციო უმრავლესობის მოპოვება იქნება გარანტია იმის, რომ საქართველოში, მათ შორის ამ მიმართულებით მყარი პოზიცია იქნება. საქართველო არასდროს არ ჩაერთვება ისეთ ომში, რომელიც დამანგრეველი იქნება და საბოლოოდ, შეიძლება ითქვას, ჩვენი სახელმწიფოებრიობის დასასრულსაც კი მოასწავებდეს“, – განაცხადა ირაკლი ქადაგიშვილმა.

„ქართული ოცნების“ პოლიტიკურმა საბჭომ განცხადება გაავრცელა, სადაც დაზუსტებულია ის პუნქტები, თუ რისთვის სჭირდება მმართველ გუნდს საკონსტიტუციო უმრავლესობის მოპოვება 2024 წლის საპარლამენტო არჩევნებზე. მათ შორის განცხადებაში აღნიშნულია, რომ საკონსტიტუციო უმრავლესობის მოპოვებისთანავე, დაინიცირდება სამართლებრივი პროცესი, რომლის შედეგადაც „ერთიანი ნაციონალური მოძრაობა“ და ყველა მისი სატელიტი პარტია არაკონსტიტუციურად გამოცხადდება.