ირაკლი კირცხალიას განცხადებით, „ქართული ოცნების“ განცხადება კიდევ ერთხელ უსვამს ხაზს საპარლამენტო არჩევნების მნიშვნელობას. ფრაქცია „ქართული ოცნების“ თავმჯდომარის მოადგილემ აღნიშნა, რომ ოქტომბერში საზოგადოებას არჩევანის გაკეთება ომსა და მშვიდობას შორის მოუწევს.
„საზოგადოებას მივმართავ – როდესაც 26 ოქტომბერს დადგებიან ბიულეტენთან, იქ იქნება 2 არჩევანი. ერთი იქნება „ქართული ოცნება“ და მეორე – რამდენი ნომერიც არ უნდა შეხვდეს, საარჩევნოდ დაქსაქსული, დაყოფილი, გაერთიანებული კოლექტიური „ნაცმოძრაობას“. ეს იქნება არჩევნები მშვიდობასა და ომს შორის. მშვიდობის გარანტი, რა თქმა უნდა, „არის ქართული ოცნება“, – აცხადებს კირცხალია.
„ქართული ოცნების“ პოლიტიკურმა საბჭომ განცხადება გაავრცელა, სადაც დაზუსტებულია ის პუნქტები, თუ რისთვის სჭირდება მმართველ გუნდს საკონსტიტუციო უმრავლესობის მოპოვება 2024 წლის საპარლამენტო არჩევნებზე.